Адрас: 223610, Мінская вобл., г. Слуцк, вул. Леніна, 171
Тэлефон: (+3751795) 57232, 53712
Электронны адрас: museum.slutsk@tut.by



Слуцкі краязнаўчы музей заснаваны ў верасні 1952 г., адкрыты 7.11.1952 г. Музей з'яўляецца навукова-даследчай, навукова-асветніцкай і выхаваўчай установай, а таксама асноўным сховішчам помнікаў матэрыяльнай і духоўнай культуры, звязаных з гісторыяй і прыродай краю. У краязнаўчым музеі функцыянуюць выставачны зал і 6 экспазіцыйных залаў, бібліятэка, архіў. Экспазіцыя распавядае пра гісторыю Случчыны ад старажытных часоў да сучаснасці, асноўныя разделы: "Гісторыя Слуцкага княства", "Старэйшая школа Беларусі - Слуцкая гімназія", "Быт гараджан XIX - пач. XX стст.", "Край у гады Вялікай Айчыннай вайны", "Касманаўтыка і Случчына", "Случчына спартыўная", "Родная прырода" і г. д. У экспазіцыі размешчаны прадметы археалогіі (жаночыя ўпрыгожванні, унікальныя шахматныя фігуркі з косці і дрэва, посуд XII - XIII стст.); фрагменты слуцкіх паясоў і ўрэчскае шкло (XVIII ст.); дакументы і матэрыялы аб Слуцкай гімназіі і яе вядомых выпускніках - астраноме В. Цэраскім, заснавальніку адной з вобласцей медыцыны А. Красоўскім, канструктары ў галіне ракетабудавання С. Козбергу і інш. Асноўны фонд налічвае 31 740 адзінак захоўвання (2016).

У структуру музея ўваходзяць філіялы: Музей этнаграфіі (экспазіцыя 'Быт і заняткі сялян Слуцкага павета XIX -пач. XX стст.", дзе размешчаны нацыянальныя касцюмы, прадметы хатняга побыту, вырабы мясцовых майстроў ткацтва, пляцення і дрэваапрацоўкі; праводзяцца экскурсіі: "Промыслы і рамёствы Случчыны", "Інтэр'ер традыцыйнага сялянскага жылля", "Лён у жыцці сялян"); Галерэя мастацтваў. У Галерэі штогод праводзіцца каля 30 выстаў жывапісных і графічных работ сучасных беларускіх мастакоў.

Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Навiны












 Rss-лента

Каляндар мерапрыемстваў


« Сакавік 2017 »
ПндАўтСерЧцвПятСубНядз
12345
6789101112
13141516171819
20212223242526
2728293031